فيلم كئيب

عارف لما تكون بتحب حد اوى 

وتبعدوا عن بعض 

بتفضل تفكر فيه  كتير

وتفكر انكم فى يوم ممكن تتقابلوا 

صدفة فى شارع 

فى فرح فى مكان عام 

فى اى حته 

وبتفضل تفكر 

هتعملوا ايه لما تشوفوا بعض 

وبيجى فى دماغك كذا تفكير

انكم هتعملوا 

زى الممثل والممثلة 

فى فيلم مش عارف ايه 

وتجروا على بعض 

ولا فى الفيلم التانى 

تبصوا لبعض كتيير 

وتسلموا على بعض 

ولا فى الفيلم التانى 

لما جريوا وحضنوا بعض 

بس بتتصدم اوى 

لما تتقابلوا فى الحقيقة 

لانك بتكتشف حقيقة

إنك بتطلع المخرج 

اللى بيقول أكشن 

علشان هى 

تحضن ممثل تانى !!!!!!!!!! 

وهى دى الحياه 

فيلم كئيب 

من إخراجى

MiDo KaSeM

المفروض

ياعم اصحى
ياعم فوق
ياعم قوم من عـ الخازوق
ماتقولش تانى المفروض اكون
قول انا بكرة خلاص هكون
وبعون الله تبدأ طريق
ماتحسش فيه انك غريق
ولوحد ضايقك قوم وثور
وبعد كده احترم الطابور
ولو حسيت تانى بخازوق
تبقى و لامؤاخذه ....... !!!!!

نظرة !!!

فـ الحياه فرحة

وفـ العيشة فرحة

وفـ العيون نظرة جارحة

نظرة تقتل كل فرحة

--------------

نفسى امسك قلبى فى ايدى

واقوله ليه بتموت اى فرحة

ده المفروض ان انت قلبى

ليه دايما عايش مستخبى

ولا حتى شايف الدنيا بمبى

----------------

يا قلبى نفض يا قلبى عييش

ياقلبى افتح باب وشيش

وان شفت فرحة ارجوك تعيش

ولا انت فالح تعيش حزين !!!!

-----------------